Tristan Every y Quincy Sintiago di e compania Flinx cu a organisa e Aruba Recruitment Event “ARE” na Rotterdam por mira bek riba un dia sumamente exitoso. ARE a surpasa tur expectativa.

Riba diasabra cu a pasa e compania Flinx di rumannan Every y Quincy Sintiago a tene e prome Aruba Recruitment Event den World Trade Center na Rotterdam. E trabou tabata hopi, pero e recompensa grandi. E evento a resulta un logro grandi.

Na WTC beurs na Rotterdam a tuma lugar diasabra 3 di December apertura di Aruba Recruitment Event. E apertura oficial a keda efectua pa Minister Plenipotenciario di Aruba sr. Edwin Abath.